Flag of Democratic Republic of Nepal
YOU ARE HERE :   
Quick Links
CA Election 2070
Press Release
Oct 30, 2018
नेपाली कांग्रेसको तर्फबाट विजयी वडा अध्यक्ष राम नरेश महतोको काका ५५ वर्षीय रामविलास महतोलाई नेकपाको कार्यकर्ताहरुले गोली हानी हत्या

कात्र्तिक १३, २०७५

प्रेस विज्ञप्ति

सर्लाही निर्वाचन क्षेत्र नं. ४ को रामनगर गाउँपालिका वडा नं. ४ का नेपाली कांग्रेसको तर्फबाट विजयी वडा अध्यक्ष राम नरेश महतोको काका ५५ वर्षीय रामविलास महतोलाई नेकपाको कार्यकर्ताहरुले गोली हानी हत्या गरेका छन् । रामविलास महतोको मुख र पेटमा गोली लागी घटनास्थलमै मृत्यु भएको थियो । नेकपाका कार्यकर्ताहरुले एक्कासी कुटपिट र गोली चलाएका थिए । 

गोली लागेर सोही वडाका नेपाली कांग्रेसका महादेव राय, विवेक महतो, प्रमोद सहनी, भोजेन्द्र महतो, श्रीनारायण महतो, प्रेमनारायण महतो, मुकेशकुमार कुशवाहा गम्भीर घाइते हुनु भएको छ । घाइते लिन गएको एम्बुलेन्स माथि समेत नेकपाका कार्यकर्ताहरुले तोडफोड गरेर उपचारमा लैजान समेत समस्या उत्पन्न गरेका थिए । नेकपाका कार्यकर्ताहरुले वडा अध्यक्ष महतोको घर सहित वरपरका अन्य घरमा समेत क्षति पु¥याएका छन् । 

हिजो सोही वडाका निर्वाचित वडा अध्यक्ष रामनरेश महतो दिउँसो १ बजे कार्यालय जाने क्रममा नेकपाका कार्यकर्ताले सांघातिक आक्रमण गरेर दुवै खुट्टा भाँचिदिएको र टाउँको फुटाइदिएका थिए । टाउँकोमा गम्भीर चोट लागेका कारण उपचारका क्रममा उहाँको टाउँकोमा १० वटा टाँका लगाइएको छ । 

अघिल्लो दिन वडाध्यक्षलाई कुटपिट गरिएको र त्यसको भोलिपल्ट उनकै घरमा आक्रमण गरेर गोली हानिएको छ । घट्ना घट्न सक्ने सम्भावना रहेको तर्फ नेकपाको डर, त्रासका आधारमा प्रहरी प्रशासनले सुरक्षा दिन नसक्नु अत्यन्त दुःखद विषय हो ।  
 
यस घटनालाई नेपाली कांग्रेसले अत्यन्त गम्भीरतापूर्वक लिएको छ र नेपाली कांग्रेस नेपाल सरकारको गम्भीर ध्यानकर्षण गराउन चाहन्छ । साथै, यस्ता घटना भविष्यमा पुनः नदोहो¥याउन नेपाली कांग्रेस नेकपालाई चेतावनी समेत दिन चाहन्छ । मृतकलाई शहीद घोषणा गर्न, घाइतेहरुको निःशुल्क उपचारको प्रबन्ध गर्न तथा घटनामा संलग्न अपराधीहरुलाई कडा भन्दा कडा कार्वाही गर्न नेपाली कांग्रेस सरकारसँग माग गर्दछ । 

पार्टी सभापति श्री शेरबहादुर देउवाको निर्देशन सहित उपसभापति श्री विमलेन्द्र निधि भोलि विहान सर्लाही जाने कार्यक्रम रहेको छ । 


कृष्णप्रसाद पौडेल
मुख्य सचिव
 
Share on Facebook

Attachments#
No files