वैशाख १, २०८३
नयाँ वर्ष २०८३ को
हार्दिक मंगलमय शुभ–कामना
नयाँ वर्ष २०८३ सालको पावन अवसरमा स्वदेश तथा विदेशमा रहनु भएका सम्पूर्ण नेपाली दिदीबहिनी तथा दाजुभाइहरूमा सुख, शान्ति, समृद्धि र निरन्तर प्रगतिको हार्दिक मंगलमय शुभकामना व्यक्त गर्दछु ।
नेपाली जनताको लामो त्याग, संघर्ष, आन्दोलन र बलिदानबाट प्राप्त ऐतिहासिक उपलब्धिहरूको संरक्षण र सुदृढीकरण गर्दै, भविष्यमा देखा पर्ने राष्ट्रिय चुनौतीहरूको सामना एकताबद्ध रूपमा गर्ने दृढ संकल्प र अठोटका साथ नवीन अवसरहरूको सदुपयोग गर्दै सुशासन सुदृढ पार्दै आर्थिक विकास र समृद्धिको मार्गमा दृढतापूर्वक अघि बढ्नुपर्ने महत्वपूर्ण घडी आएको छ । शान्त, सभ्य, सुसंस्कृत र आर्थिक रूपले समृद्ध राष्ट्र निर्माणको यो अभियानलाई सफल बनाउन सम्पूर्ण राजनीतिक दल तथा जिम्मेवार निकायहरूले दलगत स्वार्थ र सीमाभन्दा माथि उठी मुलुक, मुलुकवासी र लोकतन्त्रको हितमा एकजुट भई सहकार्यका साथ अघि बढ्न आवश्यक छ ।
यस नयाँ वर्षले हामी सबै नेपालीहरूबीच आपसी एकता, भाइचारा, सद्भाव र सहकार्यलाई अझ सुदृढ बनाउँदै संघीय लोकतान्त्रिक गणतन्त्रलाई संस्थागत रूपमा मजबुत बनाओस् । साथै, आर्थिक, सामाजिक र सांस्कृतिक समृद्धितर्फ अग्रसर हुन नयाँ ऊर्जा, उत्साह र प्रेरणा प्रदान गरोस् भन्ने कामना गर्दछु ।
नयाँ वर्ष २०८३ को पावन अवसरमा सम्पूर्ण नेपाली दिदीबहिनी तथा दाजुभाइहरूमा सुख, शान्ति, समृद्धि र उत्तरोत्तर प्रगतिको पुनः हार्दिक शुभकामना !
जय नेपाल !
गगनकुमार थापा
सभापति