ऐतिहासिक यात्रा
नेपाली काँग्रेसको ऐतिहासिक घटनाक्रम र महत्वपूर्ण मिति
राणा शासनविरुद्ध संघर्ष र प्रजातन्त्रको स्थापना
नेपाली कांग्रेसको नेतृत्वमा भएको संघर्ष मार्फत राणा शासनको अन्त्य गर्दै नेपालमा प्रजातन्त्रको स्थापना।
पहिलो आमनिर्वाचन
नेपालको पहिलो आमनिर्वाचनमा बीपी कोइराला नेतृत्वको नेपाली कांग्रेसले ७४ सिटसहित संसद्मा दुई तिहाइ बहुमत हासिल ।
राजा महेन्द्रद्वारा जननिर्वाचित सरकार भङ्ग, विपी कोइराला लगायत नेता जेल चलान
राजा महेन्द्रद्वारा कोइराला नेतृत्वको सरकार भङ्ग गरी पञ्चायती व्यवस्था लागू, विपी कोइराला लगायतका नेतालाई कुनै मुद्दा बिना नै ८ वर्षसम्म कैद र तत् पश्चात भारत निर्वासन
राष्ट्रिय मेलमिलापको नीति अबलम्बन
प्रजातन्त्रको पुनर्स्थापनाको लागि सम्पूर्ण राजनीतिक शक्तिबीच समझदारीको वकालत गर्दै राष्ट्रिय मेलमिलापको नयाँ नीति अनुसरण गर्दै भारतको निर्वासनबाट बी.पी. कोइरालाको स्वदेश फिर्ता।
विद्यार्थी आन्दोलन पछि राष्ट्रिय जनमत संग्रह घोषित
नेपाल विद्यार्थी संघ सम्मेलित विद्यार्थी आन्दोलनपछि राजा वीरेन्द्रद्वारा घोषणा गरिएको राष्ट्रिय जनमत संग्रहमा नेपाली कांग्रेस सहभागी, नेपाली कांग्रेस बहुदलीय प्रणालीको पक्षमा उभिएको ।
निर्दलिय पञ्चायती व्यवस्थाको अन्त्य भई बहुदलको स्थापना
नेपालको पहिलो जननिर्वाचित मन्त्रीमण्डल बिघटन गरी राजा महेन्द्रबाट लागू गरिएको निर्दलिय पञ्चायती व्यवस्था विरुद्ध नेपाली कांग्रेसले नेतृत्व गरेको जनआन्दोलन सफल।
लोकतन्त्रको संस्थागत विकास
२०४६ सालको जनआन्दोलनपछि २०४८ वैशाख २९ मा सम्पन्न भएको पहिलो आमनिर्वाचनबाट नेपाली कांग्रेस बहुमतका साथ विजयी ।
आम निर्वाचनबाट नेपाली कांग्रेसलाई बहुमत प्राप्त
२०५६ सालमा सम्पन्न आम निर्वाचनमा कृष्णप्रसाद भट्टराईको सभापतित्वमा नेपाली कांग्रेसद्वारा २ संसदमा बहुमत (२०५ मध्ये ११३ सिट) प्राप्त, २०५१ को मध्यावधि निर्वाचनपछि बनेको नेपाल कम्युनिस्ट पार्टीको नेतृत्व सरकारबाट निराश नेपाली जनताद्वारा पुन: नेपाली कांग्रेसप्रति विश्वास व्यक्त।
शान्ति प्रक्रिया र गणतन्त्रको यात्रा
तत्कालीन प्रधानमन्त्री गिरिजा प्रसाद कोइरालाको नेतृत्वमा भएको विस्तृत शान्ति सम्झौताबाट १० वर्षे लामो शशस्त्र जनयुद्धको अन्त्य, दोस्रो जनआन्दोलनको नेतृत्व गर्दै राजतन्त्रको अन्त्य र संविधानसभाको मार्ग प्रशस्त।
संविधान निर्माण र संघीय लोकतन्त्र कार्यान्वयन
तत्कालीन प्रधानमन्त्री सुशील कोइरालाको नेतृत्वमा संविधान जारी, पूर्व-प्रधानमन्त्री शेरबहादुर देउवाको नेतृत्वमा २०७४ मा प्रदेश र प्रतिनिधि सभाको निर्वाचन सम्पन्न र संघीय लोकतान्त्रिक गणतन्त्रको कार्यान्वयन प्रारम्भ।
नेपाली कांग्रेस विशेष महाधिवेशन आयोजना
नवयुवा पुस्ताको आह्वानमा भएको विद्रोह पश्चात् बदलिएको देश, बदल्नु पर्ने कांग्रेस भन्ने आवश्यकतालाई आत्मसात् गर्दै नेपाली कांग्रेसद्वारा विशेष महाधिवेशनको आयोजना गरी पार्टीमा नँया नेतृत्व चयन ।